مغربی تہذیب ؛
کائنات اور انسان کسی خالق کی تخلیق نہیں ، ۔۔۔۔۔۔ لہذا انسان اپنا مقصدِ حیات ، اصول و اہداف و قوانینِ زندگی طے کرنے میں خودمختار و آزاد ہے !
انسان جو چاہنا چاہے ، چاہ سکتا ہے ، اور انسان جو بھی چاہے ، اُس چاہت پر عمل کرنے میں مکمل فری ہے ! ۔۔۔۔
کیونکہ جب خالق نہیں ۔۔۔۔۔ تو پھر خالق کی نازل و مبعوث کردہ کسی شے کی بھی کوئ حقیقت نہیں !
سب پرانے انسانوں کے گھڑے ہوئے افسانے ہیں !
اور چونکہ خالق کا کوئ وجود ہی نہیں ۔۔۔۔۔۔۔۔۔
تو پھر ہر انسان کا یہ بنیادی حق ہے کہ وہ اپنا مقصدِ حیات خود تخلیق کرے !
نیز یہ ہر انسان کا مساوی حق ہے ۔۔۔۔۔۔ کہ ہر انسان دوسرے انسانوں کا بھی یہ حق تسلیم کریں کہ وہ اپنا مقصدِ حیات متعین کرنے میں خود مختار و آزاد ہیں !
حوالہ کیلئے دیکھیں ؛
فوکالٹ اور کانٹ کے مضامین
وہ جابجا لکھتے ہیں کہ ؛ ہیومن 17 ویں صدی میں پیدا ہوا ، اس سے پہلے ہیومن کا وجود ہی نہیں تھا ! 17 ویں صدی سے قبل جو لوگ تھے وہ ہیومن نہیں تھے ، وہ کائنات اور خود کو ایک خالق کی تخلیق مانتے رہے تھے ،۔۔۔۔۔ حالانکہ آج تک کسی نے کوئ خالقِ کائنات دیکھا ،۔۔۔۔۔ نہ سنا ،۔۔۔۔۔ نہ سونگھا ،۔۔۔۔۔ نہ چکھا اور نہ ہی چُھوا ۔۔۔۔۔!
ایک غائب چیز پر ایمان رکھنا جہالت ہے !
چونکہ ہر انسان آزاد ہے ،،۔۔۔۔
اور آزادی کو بغیر سرمائے کے ایکسرسائز کرنا ناممکن ہے !
لہذا ہر انسان کا مقصدِحیات ”Progress” ہے !
اور ہر قوم کا مقصدِ زندگی مادّی ترقی ہے !
اور ریاست کا فریضہ و ذمہ داری یہ ہے کہ ؛
وہ تمام انسانوں کی چاہتوں کی تکمیل کے یکساں مواقع و ذرائع مہیا و فراہم کرے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلامی تہذیب ؛
یہ کائنات اور انسان ایک خالق کی تخلیق ہے ، ۔۔۔۔۔ اس نے اس کائنات اور انسان کو ایک خاص مقصد و اسکیم کے تحت پیدا کیا ہے ،
اور وہ مقصد ہے ؛
خالق کی رضا و خوشنودی کے مطابق زندگی جینا !
یعنی ”عبدیت و بندگئ خدا” !
اس نے صرف پیدا کرکے یونہی چھوڑ نہیں دیا ،۔۔۔۔ بلکہ اس نے انبیاء و رسل مبعوث فرمائے ، اور ہر ہر قوم پر مقصدِ زندگی واضح فرماتا رہا !
اس نے اس اسکیم میں حضرتِ انسان کے ہر ہر معاملے میں مکمل رہنمائ و ہدایت و رہبری کا ایک جاندار سلسلہ قائم رکھا !
انسان اپنی مرضی سے، من چاہی زندگی جئے گا تو وہ روزِ آخرت خدا کی پیدا کردہ دوزخ کا ایندھن بنے گا ۔۔۔ !!
اور خدا کی نازل کردہ ہدایت کے تابع جینے والے لوگ کامیاب ہونگے ،۔۔۔۔۔ ان کیلئے خالقِ کائنات نے جنت بنارکھی ہے !
آخرت کی زندگی ہمیشہ کی زندگی ہوگی ، وہاں موت نہیں آئے گی !
یہ دنیا صرف امتحان گاہ ہے !
یہاں سے بس ایک مسافر کی طرح گزرنا ہے ،
یہاں رہنا ممکن نہیں ۔۔۔۔۔ !
ہر انسان خدا کا بندہ ہے ،۔۔۔۔ اور اس کا یہ فرض ہے کہ وہ دوسروں کو بھی خدا کے بندے بن کر جینے کی دعوت دیتا رہے !
یعنی امر بالمعروف و نہی عن المنکر !
یہ ہر مسلم فرد ، ہر مسلم معاشرے اور ہر اسلامی ریاست کی بنیاد و اساس ہے کہ وہ امر بالمعروف و نہی عن المنکر کو باقاعدہ زندگی کی سرگرمی بنائے !
تاکہ تمام انسان خدا کے بندے بن کر جئیں !
اور تمام انسانوں کیلئے دوزخ سے نجات ،۔۔۔۔۔
اور خدا کی خوشنودی و رحمت و جنت کا حصول آسانی سے ممکن ہو !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قارئین کرام !
یہ ہیں دو باہم متصادم و متضاد تصوراتِ تخلیقِ کائنات !
جس وجہ سے مغربی و اسلامی تہذیب کے مابین کہیں بھی کوئ مماثلت و مشابہت و اشتراک و مساوات و ہم آہنگی ممکن نہیں !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موجودہ اسٹرکچر ،۔۔۔۔۔۔
اور اس وقت پوری دنیا میں قائم و اسٹیبلش تہذیب ؛ مغربی اسٹرکچر و مغربی تہذیب ہے !
جدید ریاستیں خدا کو انسانی زندگی سے بالکل بےدخل کرکے وجود میں لائ گئیں !
مغربی تہذیب کو سمجھنے کا مقصد یہ ہے کہ اسے کوئ مذہبی تہذیب ،۔۔۔۔۔ یا نیچرل تہذیب ،۔۔۔ یا اسے دینِ اسلام کے مطابق و مشابہ و مماثل و ہم آہنگ تہذیب نہ سمجھا جائے !
کیونکہ عالمِ اسلام میں اسے اسلام کے حوالے کیساتھ اور نیچرل خیال کرکے اپنایا اور اختیار کیا جاچکا ہے !